المركزية – كتب مقرر لجنة التربية النيابية النائب ادكار طرابلسي عبر حسابه على “أكس”: “أمر مش مقبول ولا بينسكت عنو مع لجنة المعادلات في التعليم العالي بوزارة التربية. عم تاخد المعادلة أكتر من سنة وسنتين. هل بيعرفوا مدى الجريمة اللي عم يرتكبوها بحق شبيبتنا ومستقبلهم؟ البعض منهم رح يخسر وظيفته لأن بعد ما جاب المعادلة ولا إذن مزاولة المهنة. الحكي عن منصة وتسجيل الكتروني هو حكي فاضي. هيدي مجرد آليات عمل بسيطة لتسهيل تقديم الطلب. العقدة مش هون. شو السر ؟ الله بيعرف. هل هو اجراءات معقدة؟ هل هو كسل واهمال؟ هل هو نقص موظفين؟ هل هو فساد؟ لأيمتى بدنا نضل نراجع بكل طلب معادلة؟ في شي لازم يتغيّر جذرياً. أطالب نقابات المهندسين والاطباء والصيادلة والممرضين وغيرهم ينتفضوا ويعترضوا بشدة على هالممارسات اللي واقفي بدرب شبيبتنا”.
طربلسي: “أمر مش مقبول ولا بينسكت عنو مع لجنة المعادلات في “التربية”
