يا سامعين الصوت بليالي الخشوع
في ناس موجوعين ضَلّوا تذَكروا
وفي ناس عريانين عنّا بهالربوع
وفي ناس مَتخومين وبيتمَكروا
تلاميذ أبن الناصري كانوا دروع
وبالأمس متل اليوم كانوا يفَكّروا!!
دَخلك يا (توما)أنت من ذات الفروع
ليش النوايا يا صديقي تعَكّروا؟؟
و(يوضاص) خَيَّك خاف من بعدو يجوع
حتى (قيافا) بالمصاري سَكّرو
و(بطرس)طلوع الفَجر قدّام الجموع
قلبو قِسي وتنَكرو وما تشَكّرو
ولبنان عندو ألف (بطرس)يا يسوع
لسيادتو وحريّتو بيتنَكروا
