مش معقول …؟!
مش معقول يكون في هالعدد الكبير جدا جدا من مخبرين وعملاء للعدو الإسرائيلي وعلى مساحة كل لبنان من أصغر زاروب الى أكبر شارع وما يعرف فيهن حزب الله ولا الأجهزة الأمنية ؟
مش معقول يكون عند هالعدو داتا عقارية بكل أنواع الابنية ومواقعها وما نعرف مين الوسيط بتوصيلها ؟
تدمّر البلد بناسو واقتصادو وتاريخو بغلطة الشاطرين وبلحظة من لحظات الزمن اللعين ؟
الفقراء يحاربون ويُقتلون من أجل الأغنياء ؟
البسطاء يقاتلون ويموتون من أجل الزعماء ؟
الأغبياء يهلّلون للغرباء ثم يُنحرون؟!
الجهلاء يسيرون وراء أصحاب الشعارات ، ثم يُرذلون ؟!
مسكين شعب لبنان ، وزعماء لبنان ، وطوائف لبنان ، وسياسيو لبنان ، وقادة لبنان فقد دفعوا الثمن غاليا وغاليا جدا ، وخسروا ما سرقوه ونهبوه وعمّروه وبنوه ، لأن مَن اشتراهم باعهم بالدم والحديد والنار؟
مسكين شعب لبنان ؟ كلما ملأ سطله حليبا لأولاده نده على جاره والغرباء لركله ارضا ودلق ما فيه ؟
مسكين شعب لبنان ؟ وسيبقى مسكينا تحت لعنة الزمان لأنه ما آمن بأرض الرب وبقي يغامر بمصيره تحت “الشجرة الملعونة ” ويدفع الثمن من جيل الى جيل ويقدم أولاده تقدمة لإله صَنَم .
مسكين شعب لبنان .
قادة انانيون وشعب غنم .
*كريم *
