“جايي قداسة البابا “… وأهلا وسهلا وهيدا فخر للبنان، ولكن..

كتب المحامي زياد فرام على صفحته

خَلّي سيارتو تِنزل بالجَوَر يلي كسّرنا سياراتنا فيها يوميّة،
حاجّ تِزَفّتوا الطرقات لتزيّنوا اللحظة،
حاجّ تِنوّروا الشوارع لرح يمرق فيها ونحنا بيوتنا مْعتّمة، وترمّموا القاعات والكنايس وفي ناس مش لاقيين سقف..
حاجّ تلمّعوا الواقع.. تركوه يشوف الحقيقة متل ما هِيّي:
بلد عم يرقّع حالو برقعة فوق كذبة، وبَعدو واقِف عَ إجريه بس لأنّو شعبو ما بدو يستسلم..
نحنا يلّي عم نجاهد لنبقى، ومنحلم ببلد أفضل، ومنوعى عَ وَجع جديد.. خلي يجي قداستو يشوف الواقع الحقيقي..
خَلّيه يشوف تعتيرنا اليومي، كرمال يعرف إنّو هالناس اللي ناطرينو مش طالبين معجزات.. طالبين حقن.. بعيشة واضحة..

*ملاحظة: صار في غوغل مع ما بيحويه من أرشيف للصور.. نشالله ما يكون فات قداستو ع غوغل وشاف المناظر لعم تخبوها..