(قال حنّا)
ياضيعتي الحلّوي واسع مداكي
ومفيدي للقلب نسمة هواكي
تراب أرضا الأحمر حبوب مرجان
وصخرك الأبيض مرياية حلاكي
ولابسي عبايي ومن حلا الألوان
ورسمها الرّبّ بِأفخر حياكي
وتاجها زمرد من غار وسنديان
وشذا الوزّال والزّعتر شذاكي
كروم الخير بستان جنب بستان
وكلّ الأطايب والخالق عطاكي
فلّاح غادي ومع عجقة الرّعيان
الفجر صبّحك والدّيك وعّاكي
وسلال الصّباياومن فروخ البان
وفوق أكتافن سلّ العنب تاكي
سفوحك الخضرا رفوف ومن الحجلان
نسورا مترسي بِقلعة حماكي
نهىروالطّير وموسيقة الألحان
إله الفنون الأجمل هداكي
فيكي ماضلّ في ولا غصن عطشان
وغيم المطر بِدمعاتو سقاكي
وبيوتك مضافي وجارة الرّحمان
من قممها نجوم السّما بتحاكي
فيكي الكاس طيّب للكرم عنوان
والقلب غنّيّة شكر غنّاكي
وحاتم الطّي بالكرم والعنفوان
مابيوصل على سدّة مستواكي
بعيد الصّليب وبيرفعوا الصّلبان
ذكرى قديمي عاشت عارباكي
وضوّوا شموع وشعّلو نار ودخان
ونفّذوا العادي بِحطبة وداكي
حميوكي الكنايس من كلّ عدوان
ومن فتك لآفات أللّه حماكي
وغمرك بِنورو يوحنّا المعمدان
وصفا الألماس من قبّة سماكي
سنديانات ماريوحنّا أمان
وبأحلى مناخ أللّه غناكي
وأجراسك الوعّو الدّني والوديان
وطنينن لِأللّه وصّل صداكي
جدودنا عليكي حافظوا من زمان
وبأغلى الأثمان ضحّو فداكي
جوّك رواق وراحة الأطمئنان
وعيون السّهر مابتغفى بلاكي
هيدي صيعتي وفيها المجد خلقان
منوّر صباحك ويسعد مساكي
تا وجّ الأرض يبقى كتير فرحان
زرعوا الشّجر صيدليّة دواكي
خير الكرم صحّه وكيف للأنسان
وكلّ الأذواق بِإجماع قالو
وتين حصارات من أطيب فواكي
قرّاديّه عن تلّة مار يوحنّا في حما الهوادير
من أحلى تلّات الصّيف
عنها الزّاير متخلّا
مقصد للطّير وللضّيف
وبتسوى الدّنيا كلّا
حنّا أمين إبراهيم
هادور حصارات
