أمّ الحياة

أمّ البشر أكتر من مهمّي
والرّبّ كلّفها في كذا مهمّي
في روض ألله زهرة الإيمان
بتعاليمو وبلكلّ مهتمّي
أمّ الحياة مصدر الأحسان
بتحمينا من الضّربات المسمّي
بتسوى الكون ومناجم الذّهبان
من الأمّ الحنوني كلّ ضمّي
محبّي وصلا بمعابد الأكوان
وبفردوس لمجد أعلى قمّي
أمّي عيوني وسياجها الأجفان
وحبّها قارب في بحر دمّي
ورسما الغالي مافارق الأذهان
وذكرها دايم عاشفاف تمّي
بيكفي منّا ومنكن كلّ أنسان
لمّا بتدى معو فجر الكلام
اوّل كلمي قالها ياأمّي
الأمّ طاهرا وبيرق تفاني
وإيمانها عناد الدّهر روّض
الأرض أمّ أرزي وسندياني
وألله بحمايتها لأمّ فوّض
عطف قلبا فوق سرير حاني
أذا أبنها لشي علّي تعرّض
لأبن مابينسى مربى الحضاني
رضى مهمّ مهما كتاف عرّض
بقول لكلّ سامع هالمعاني
كلشي بيتعوّض وفي ألو تاني
وخسارة الأمّ مابتتعوّض
حرف من أسم أمّ العنايي
أغلى من الدّني وكلّ ذهبها
بالوفى الأمّ أعظم حكايي
ماحدا قادر يوفي تعبها
وبميدان العزّ والرّمايي
زينة الفرسان الأمّ شبها
أمّ يسوع كان البدايي
عنّا عذّب الرّوح وصلبها
أمّ قدموس حروف القرايي
علم دني وسافر عاخشبها
أمّ جبران بيّ الرّوايي
والكلمي لفخّم شعرا وأدبها
أمّ يوسف كرم عظمي ورايي
حارب التّركي ولبّى طلبها
أمّ بشير شهابي آيي
الأمّ من أعرق نسب نسبها
الدني أمّ هالخير وكفايي
قلبها حاضن تربة شعبها
الأمّ كلّ الدّني بالنّهايي
وقلبها بيساع كلّ الوجود
وأكبر من الكايني قلبها
عربون فخر وتقدير
وكلّ عيد أمّ وأنتوا بخير
وألله يرحم الماتوا
ويحفظ طيّبين

(ش)حنّا أمين إبراهيم
هادور حصارات